1976 yilda A.N.Ostrovskiy nomidagi Toshkent teatr va rassomlik instituti “Monumental- dekorativ rangtasvir” kafedrasi qoshida yangi “Interyer va jihoz” bo‘limi ochildi. 1983 yilda “Monumental-dekorativ rang tasvir” kafedrasi tarkibida yangi “Arxitektura dekorlarini ta’mirlash” bo‘limi tashkil etilishi munosabati bilan yangi “Arxitektura dekorlarini ta’mirlash va interyerni loyihalash” kafedrasi ochildi.

1991 yil A.N.Ostrovskiy nomidagi Toshkent teatr va rassomlik instituti M.Uyg‘ur nomidagi Toshkent Davlat san’at instituti deb nomlandi. 1997 yilda M.Uyg‘ur nomidagi Toshkent Davlat san’at instituti tarkibidan rassomlik va dizayn yo‘nalishlari ajralib, Badiiy Akademiya tasarrufida Kamoliddin Behzod nomidagi milliy rassomlik va dizayn instituti tashkil etildi va 1999 yilda “Arxitektura dekorlarini ta’mirlash va interyerni loyihalash” kafedrasi ikki mustaqil kafedraga ya’ni “Dizayn” va “Arxitektura yodgorliklarini ta’mirlash” kafedralariga ajratildi.

Dizayn kafedrasida 2 ta bakavalavr ta`lim yo‘nalishi; 1 ta magistratura mutaxassisligi mavjud:

Bakalavr ta`lim yo‘nalishlari:

• Dizayn (interyer dizayni );
• Dizayn (sanoat dizayni);

Magistratura mutaxassisligi:

• Dizayn (interyer dizayni );

Kafedrada bakalavr ta’lim yo‘nalishlarida o‘qitiladigan mutaxassislik fanlar.

  “Dizayn (interyer dizayni)”: Loyihalash asoslari, Interyerni loyihalash, Kompozitsiya va rangshunoslik, Materialshunoslik, Arxitektura va dizayn grafikasi, Eksteryer va interyer perspektivasi, Arxitektura va interyer tarixi, Dizayn metodologiyasi asoslari, Qurilish konstruksiyalari, Interyerda ergonomika, Arxitekturaviy loyihalash, Dizayn ob’yektini Autodesk programmalarida loyihalash, BIM texnologiyalari asoslari, Badiiy konstruksiyalash, Maketlash, Muhit dizayni, Bionika va parametrik dizayn.

 “Dizayn (sanoat dizayni)” Loyihalash asoslari, Kompozitsiya va rangshunoslik asoslari, Materialshunoslik, Sanoat maxsulotlarini loyihalash, Sanoat grafikasi, Sanoat dizayni tarixi, Haykaltaroshlik va plastik modellashtirish, Ergonomika, Modellash va prototiplash, Ishlab chiqarishni tashkil etish.

 Magistratura mutaxassisligida o`qitiladigan fanlar.

 “Dizayn (interyerni loyihalash)”: Badiiy loyihalash, Arxitekturaviy bionika, Dizayn nazariyasi va metodologiyasi, Zamonaviy dizaynda konstruksiyalar, Muhitni shakllantirish asoslari, Interyer va jihozlash.

 Dizayn kafedrasining tarkibi:

Asosiy shtatdagi professor-o‘qituvchilar soni- 17 ta

Shundan:

OAK dotsenti-8 nafar

Katta o‘qituvchi- 4 nafar

O‘qituvchi- 5 nafar

Kafedraning ilmiy salohiyati- 47%